Friday, December 16, 2016

නුදුරේදීම මහාමාර්ගයට එකවන රියදුරන් රහිත රථ

ගූගල් ආයතනය (Google Inc) 2009 වසරේ ආරම්භ කළ රියදුරෙක් නොමැතිව නො එසේනම් තනියම ගමන්කල හැකි වාහනයක් සඳහා වන ව්‍යාපෘතිය මේ වන විට අවසන් අදියරට පැමිණ ඇත.

IEEE Spectrum සඟරවේ Philip E Ross ට අනුව මේ දින වල ගූගල් සමාගම ව්‍යාපාරික සැලසුමක් සකසමින් සිටින බවයි.

මින් අදහස් වන්නේ අවුරුදු 7කට අධික කාලයක් පුරා සැතපුම් මිලියන 2ක් එනම් 3,218,690 km පමණ ධාවන දුරක් ප්‍රසිද්ධ මහාමාර්ග වල සහ අමෙරිකාවේ කාර්යබහුල නගර වල පරීක්ෂණ ධාවනයන්ගේ යෙදවීමෙන් පසු ඔවුන් තම නිෂ්පාදනය වාණිජ මට්ටමට ගෙන ඇති බවයි.

Lexus RX450h

2009 වර්ශයේ ආරම්හ වූ මෙම ව්‍යාපෘතිය තම ප්‍රථම රියදුරන් රහිත වාහනය ක්ශේත්‍ර පරීක්ෂාවට ලක් කරන්නේ 2012 වර්ෂයේදීය. ඒ තදබදය අඩු නිදහස් මාවත් (Freeways) වලදීය. ඒ එකල සාමාන්‍ය භාවිතයේ තිබූ (Lexus RX450h) ලෙක්සස්  SUV වර්ගයේ මෝටර් රථය වැඩිදියුණු කිරීමෙනි. එම වසරේ අගදී ඔවුන් වැඩි තදබදයක් සහිත නගර වල පරීක්ෂා කිරීම් ඇරඹූ අතර, එය එකල මාධ්‍ය ඉතාම කථාබහට ලක් වූ මාතෘකාවක් විය.

2014 වසරේදී මෙම රියදුරන් රහිත රථය සඳහා ඔවුන්ගේම මූලාකෘතියක් නිපදවා පරීක්ෂා කිරීම් ඇරඹූ පසු මේ වන විට එහි ප්‍රසිද්ධ මාවත් වල පරීක්ෂණයන් 2015 වසරේ ආරම්භ කලේය.

2016 වසර අග භාගය වන විට ඔවුන් තවත් පරීක්ෂණයන් සහ රියදුරන් රහිත ධාවනයේ සැතපුම් මිලියන 2 සම්පූර්ණ කිරීමත් සමඟම මේ වසරේ දෙසැම්බර් මස සිට මෙම ව්‍යාපෘතිය වේමෝ ( Waymo) ලෙස නම් කළ අතර මෙම රථයන් වාණිජ වශයෙන් නිෂ්පාදනය කිරීමේ පියවරට මුලපුරමින් සිටී.

එනම් මෙහි අර්ථය නුදුරේදීම මෙම රියදුරන් රහිත රථ මහාමාර්ගයට එකවන බවයි.

Images From with Thanks:
http://www.seattletimes.com/business/technology/google-is-testing-its-self-driving-car-in-kirkland/
http://phys.org/news/2016-12-google-self-driving-car-waymo.html
http://www.honestjohn.co.uk/carbycar/lexus/rx450h-2009/

4 comments:

  1. මමත් බලාගෙන ඉන්නෙ ඔය වාහනේ එනකල් තමා. දැන් අව්රුදු ගානක් මං ඕක එනකල් බලං හිටියෙ.එහෙනම් අපිටත් කාරයක තනියෙං යන්න පුලුවන් උනා!

    ReplyDelete
    Replies
    1. ස්තූතියි කසුන්...!!!
      සමාවෙන්න පිළිතුරු පමාවුනාට.
      අපි බලමු කොච්චර කල් යයිද කියල මේ රථ ලංකාවට එන්න.

      Delete
  2. රියදුරන් රහිත වාහන වල මූලධර්මවාදී ගැටළුවක් තිබේ. එනම්, මෙවැනි වාහන වලට තීරණ ගැනීමේ හැකියාවක් පැවතිය යුතුය. අනතුරු අවසතාවලදී කරන්නේ කුමක්ද කියා. ඉදිරියට වහනයක් පැමිණෙන විටදී අනතුර වලක්වාගැනීමට කළහැකි එකම දෙය පදික වේදිකාවට වහනය් යොමු කිරීම නම්, පදිකවේදිකාවේ මිනිසුන් 10 සිටිනම්, වාහනයේ සිටින්නේ එක් අයෙක් පමණක් නම්, අනතුරට ලක්කරන්නේ කවුද ?. 10 දෙනෙකුගේ ජීවිතය බේරා එක අයෙකු අනතුරට ලක්කරනවද ? ඒකෙනා වාහනයේ අය්තිකරුය ...
    (රුපවාහිනී වැඩසටහනක් ඇසුරෙන් )

    ReplyDelete
    Replies
    1. බොහෝම ස්තූතියි කසුන් චාමර. සමාවෙන්න පිළිතුරු පමාවුනාට.
      ඔබ කියන එක ඇත්ත. Social Dilemma හෙවත් සදාචාරාත්මක උභතෝකෝටිකය කියල හඳුන්වන මෙම තත්වය පිළිබඳව විවිධ තීරණ ඇතිවාක් මෙන්ම බොහෝ වාද විවාදද පවතිනව.Science සඟරාවේ ජූනි 2016 කලාපයෙන්, සමාජ විද්‍යාව පිළිබඳ විශේෂඥයෙක් සහ මනෝ විද්‍යාඥයින් දෙදෙනෙකු විසින් තමයි The social dilemma of autonomous vehicles ලෙසින් ලිපියක් පළකරමින් මෙම ප්‍රශ්ණය මතුකරමින් එය සමාජගත කරේ.

      දැනටමත් මෙම ගැටළුව පිළිබඳ බොහෝ සාකච්ඡාවන් සහ පර්යේශණයන් ආරම්භ වෙලයි තියෙන්නෙ.සමහරු මෙය විසඳිය නොහැකි විරුද්ධාභාෂයක් (Paradox) ලෙසත් හඳුන්වනව. ඒ පිළිබඳව වෙනම ලිපියකින් සකච්ඡා කරන්න ඕන තරම් කරුණු තිබෙනව.

      බොහෝම ස්තූතියි කමෙන්ටුවට.

      Delete

You Might Also Like

Related Posts Plugin for WordPress, Blogger...

ඔබේ අදහස් හා යෝජනා තුටු පඬුරක්මය.

සාකච්ඡාව මිස වාදය වැදගත් නොවන්නකි.
Related Posts Plugin for WordPress, Blogger...