Thursday, October 27, 2016

පෙනහළු පිළිකා හඳුනාගැනීමට ඉතාම ලාභදායී ක්‍රමවේදයක්

පෙනහළු පිළිකා යනු අප රටට ආගන්තුක මාතෘකාවක් නොවෙයි. මේ පිලිබඳව විවිධ සාකච්ඡා මෙන්ම දැනුවත්කිරීමේ වැඩසටහන්ද නිතර සිදු වෙයි. පෙනහළු පිළිකා ඇතුළු අනෙක් සියළුම පිළිකා වර්ගයන්, මූලික අවදියේදීම හඳුනාගැනීම, ඖෂධ සහ ප්‍රතිකාර ක්‍රමවේද මගින් සුවකිරීමට විශාල වාසියක් සපයයි.

ගූගල් විද්‍යා ප්‍රදර්ශණයේ ජයග්‍රහණයක්ද ලබමින් 16 හැවිරිදි මැලේසියානු ශිෂ්‍යයෙක් මෙම පෙනහළු පිළිකා හඳුනාගැනීමට ඉතාම ලාභදායී ක්‍රමවේදයක් සොයාගෙන ඇත.


පෙනහළු පිළිකා රෝගීන්ගේ ප්‍රශ්වාස වාතයෙහි ඇති ඇල්කේන් (Alkane) නම් වූ කාබනික සංයෝග ප්‍රතිශතය ඉතා වැඩි බවයි පැවසෙන්නේ. මෙම ශිෂ්‍යයා නිපදවා ඇති නවතම සංවේදකයට (Sensor) මෙම ඇල්කේන් බහුල බව සංවේදනය කල හැකිය. ඇමෙරිකානු ඩොලර් ශත 15කට පමණ නිපදවියහැකි මෙම සංවේදකය ඇතුලත්කර ඇමෙරිකානු ඩොලර් 15ක් පමණ වන පෙනහළු පිළිකා මූලික අවධියේදීම හඳුනාගත හැකි උපකරණයක් නිපදවිය හැකි බවයි මෙහි නිර්මාපක Zසෙන්ග් ක්සින්ග් ‍යොන්ග් (Zheng Xin Yong)  තම පර්යේෂණ පත්‍රිකාව ඉදිරිපත් කරමින් සඳහන් කරනුයේ.

මෙම පර්යේෂණය පිළිබඳව IEEE Spectrum සඟරාවට සටහනක් ලියමින් එහි තාක්ෂණික ලේඛිකා ටෙල්කා පෙරී (Telka Perry) සඳහන් කරනුයේ යොන්ග් නම් වූ මෙම යොවුන් පර්යේෂකයා,මැලේෂියාවේ ක්වාලාලාම්පූර් නුවර මෙතෝදිස්ත උසස් විද්‍යාලයේ (Methodist College Kuala Lumpur) තම උසස්පෙළ විෂය ධාරාව හදාරන අතරතුරම, රෝගීන් 37ක් යොදාගනිමින් සාර්ථකව අත්හදා බලා ඇති බවයි.

දැනට සී ටී ස්කෑන් ක්‍රමය යොදාගන්නා, පෙනහළු පිළිකා හඳුනාගන්නා ක්‍රමය මෙමගින් බොහෝ දුරට අඩුවනු ඇතැයි බලාපොරොත්තු වන තරුණ යොන්ග් තම සංවේදකය, ප්‍රාශ්වාස වාතයේ ඇති ඇල්කේන් මට්ටම නිවැරදී ප්‍රතිශතාත්මකව පෙන්වියහැකි ආකාරයට දියුණු කිරීමට පලාපොරොත්තු වෙයි.

තොරතුරු: IEEE Spectrum සඟරාව ඇසුරෙන්

Image from with Thanks: http://spectrum.ieee.org/view-from-the-valley/biomedical/diagnostics/are-xrays-really-the-best-lung-cancer-screening-test-asks-google-science-fair-finalist

3 comments:

  1. ගොඩක් දෙනෙක් සී ටී ස්කෑන් වලට යන්නේ ස්ටේජ් 3-4 වල ඉන්දෙද්දි නෙ. මේවගේ එකකින් හැමෝම ටෙස්ට් වෙනවනම් ස්ටේජ් 1 අඳුන ගන්න පුළුවන් වෙයි නේද?

    ReplyDelete
    Replies
    1. ඒ අදහසින් තමයි මේ පරීක්ෂණය කරන්නෙ. පරක්කු වී හඳුනාගැනීම නිසා වෙන හානිය ගොඩක් වැඩියිනෙ.

      Delete
  2. අද කාලයට බොහොම වටින අපූරු සොයාගැනීමක්.

    ReplyDelete

You May Also Like

ඔබේ අදහස් හා යෝජනා තුටු පඬුරක්මය.

සාකච්ඡාව මිස වාදය වැදගත් නොවන්නකි.
Related Posts Plugin for WordPress, Blogger...